மிஷ்கினின் 'சைக்கோ' படத்தைவிட,பத்து மடங்கு சிறந்த படமாக 'அந்த நாள்' படம் இருக்கும்-ஆர்யன் ஷாம் !

'

'அந்த நாள்'' படத்தின் சார்பில் பத்திரிக்கையாளர்களை சந்தித்த நடிகர் ஆர்யன் ஷாம் ...... 'அந்த நாள்' படத்தை நானே கதை திரைக்கதை அமைத்து தயாரித்து அதில் நடிக்கவும் செய்தேன்.

படப்பிடிப்பு முழுவதும் முடிந்து, கடந்த பிப்ரவரியில் சென்சார் போர்டுக்கு அனுப்பியபோது நரபலி, பில்லி சூனியம் மற்றும் அதிரடி காட்சிகள் இருப்பதால், சான்றிதழே கொடுக்க முடியாது என்றனர்.

மீண்டும் ரிவைசிங் கமிட்டிக்கு படத்தை அனுப்பினோம். நடிகை கவுதமி தலைமையிலான அந்த கமிட்டி படத்தை பார்த்து விட்டு சில இடங்களில் மட்டும் கட்டுகள் கொடுத்து, ஏ சான்றிதழ் அளித்தது. இந்த நேரத்தில் நடிகை கவுதமிக்கு நன்றியை தெரிவித்து கொள்கிறேன்

ott தளத்தில் இந்த படத்தை வெளியிட சிலர் கேட்கும் நிலையில் தியேட்டரில் ரிலீஸ் செய்தால்தான் எனக்கு சரியாக வரும்.அதனால் விரைவில் தியேட்டரில் இப் படம் வெளியாகிறது.

மிஷ்கின் இயக்கத்தில் நான் நடிப்பதாக இருந்தது. ஆனால் அது நடக்கவில்லை மிஷ்கின் இயக்கிய சைக்கோ படத்தைவிட, பத்து மடங்கு சிறந்த படமாக இந்த படம் இருக்கும் .

'அந்த நாள் 'படத்தை நான் தயாரித்து நடித்திருந்தாலும், படத்தில் இதுவரை தமிழ்த் திரைப்படங்களில் வராத அளவுக்கு, அதி பயங்கரமான அதிரவைக்கும் காட்சிகள் உள்ளதால்

கர்ப்பிணி பெண்கள், பயந்த சுபாவம் கொண்டவர்கள் அந்தநாள் படத்தைப் பார்க்காதீர்கள்.

படத்தின் வசூல் என்பதை விட என்னால் யாரும் பாதிக்கப்படக் கூடாது என்பதால் யாரும் சொல்லாததை நான் சொல்கிறேன்.

நடிகர் ஆர்யன் ஷாம் தயாரிப்பாளர் ஏவிஎம் சரவணனின் பேத்தியான அபர்ணாவை திருமணம் செய்துகொண்டவர், ‘அந்த நாள்’' படத்தில் இவர் நாயகனாக நடிக்க நாயகிகளாக ஆத்யா, லீமா பாபு ஆகியோர் நடிக்க இமான் அண்ணாச்சி முக்கிய வேடத்தில் நடிக்கிறார் .