கட்டம் சொல்லுது - விமர்சனம்

தீபா சங்கர் தன் மகளின் திருமணத்திற்காக மண்டபம் முதல் மேளம் ,சமையல் கலைஞன் வரை அட்வான்ஸ் தொகை கொடுத்து திருமண தேதி சொல்லும்போது, சமையல் கலைஞன் மாப்பிள்ளை எந்த இடம் என கேட்க மாப்பிள் ளையை இனிமேதான் பார்க்கணும், நிச்சயமா கல்யாணம் கண்டிப்பா குறிப்பிட்ட தேதியில் நடக்கும் என குழப்பத்துடன் சொல்லுகிறார் .

இந்நிலையில் தீபா சங்கர் தன் மகளின் திருமணத்திற்காக ஒரு குறி சொல்லும் பெண்ணை பார்க்க செல்ல ,பெண் தெய்வம் இருக்கும் ஊரில் ஒரு தூதுவன் மூலமாக சரித்திர பெயர் கொண்ட மணமகன் தான் உன் மகளுக்கு கணவனாக வருவான் என குறி சொல்லும் பெண் சொல்ல , தன் மகளின் ஜாதகத்துடன் ஜோசியரை பார்க்க செல்கிறார் தீபா சங்கர்.

அங்கு ஜோசியர் ஒரு டிவி சேனலுக்காக பிசியாக பேட்டி கொடுத்துக்கொண்டிருக்கும் நிலையில், தன் நண்பனுக்காக ஜாதகம் பார்க்க வந்த திடியனை பார்த்தவுடன் , குறி சொல்லும் பெண் சொன்ன தூதுவன் இவனா இருக்குமோ என்ற சந்தேகத்தில் ஜாதகம் பார்க்க வந்த திடியனை தீபா சங்கர் விசாரிக்க,

என் நண்பனுக்காக ஜாதகம் பார்க்க வந்தேன் சரித்திர பெயர் கொண்ட வந்திய தேவன் என் நண்பன் என எழிலனின் கதையோடு மற்ற நண்பர்களின் கதையையும் திடியன் சுவாரஸ்யமாக சொல்ல ,கதையை கேட்ட தீபா சங்கர் குறி சொல்லும் பெண்சொன்ன தூதுவன் இவன்தான்

இவன் நண்பன்தான் என் புள்ளைக்கு மாப்பிள்ளை என்ற நம்பிக்கையுடன் இருக்கும்போது அதிர்ச்சி தரும் விதமாக கதையின் இறுதி கட்டத்தை தீபா சங்கரிடம் சொல்கிறார் திடியன் .

குறிப்பிட்ட தேதியில் தீபா சங்கர் சரித்திர பெயர் கொண்ட மணமகனுடன் தன் மகளை திருமணம் செய்து வைத்தாரா! என்பதுதான் 'கட்டம் சொல்லுது 'படத்தின் கதை !

கதைக்கேற்றபடி தீபா சங்கரின் நடிப்பு சிறப்பு.

படத்தில் நடித்துள்ள அனைவருமே மனதில் பதியும்படி நடித்திருப்பது பாராட்டுக்குரியது.

எழிலனின் தந்தையாக வரும் சின்ன துரை ,தாயாக வரும் சகுந்தலா , திடியன்,சபரீஷ் ,மணிவாசகம் ,ராஜ ஐயப்பன் ,வீரமணி ,ராணி ஜெயா என அனைவரது பங்களிப்பும் நடிப்பில் சிறப்பாக உள்ளது.

தமீம் அன்சாரி இசையும்,சபரிஷின் ஒளிப்பதிவும் சிறப்பாக உள்ளது

கதை எழுதி படத்தை இயக்கியத்துடன் நண்பர்களில் ஒருவராக முக்கிய கதாபாத்திரத்தில் நடித்துள்ளார் S G எழிலன் .

தெளிவான திரைக்கதையில் ஜாதக கட்டங்களை நம்பாமல் உன்னையும் உன் உழைப்பை மட்டும் நம்பு என்ற கருத்தின் அடிப்படையில் புதியவராக இருந்தாலும் மிக திறமையாக இயக்கியுள்ளார் நடிகர் & இயக்குனர் S G எழிலன்.