யுனிவர்சல் மியூசிக் இந்தியா, அனிருத் ரவிச்சந்தரின் புதிய இசைப்பதிவு நிறுவனமான அல்புகர்க்கு ரெக்கார்ட்ஸ் உடன் பிரத்யேக கூட்டாண்மையை அமைத்துள்ளது

யுனிவர்சல் மியூசிக் இந்தியா, அனிருத் ரவிச்சந்தரின் புதிய இசைப்பதிவு நிறுவனமான அல்புகர்க்கு ரெக்கார்ட்ஸ் உடன் பிரத்யேக கூட்டாண்மையை அமைத்துள்ளது

முன்னோடி கலைஞரான அனிருத் ரவிச்சந்தர் திரைப்படங்கள் அல்லாத மற்ற இசை வெளியீடுகளுக்காகத் தொடங்கியுள்ள அல்புகர்க்கு ரெக்கார்ட்ஸ் எனும் புதிய நிறுவனத்தின் பிரத்யேக கூட்டாளராக யுனிவர்சல் மியூசிக் இந்திய அறிவிக்கப்பட்டுள்ளது.

இந்த உலகளாவிய ஒப்பந்தம், தென்னிந்திய சந்தையில் மிகவும் செல்வாக்கு மிக்க பெயர்களுடன் தொடர்புடைய பாப், ஹிப்-ஹாப் ஆகிய இசை வகைகளில் யுனிவர்சல் மியூசிக் இந்தியாவின் வளர்ந்து வரும் இருப்பை வலுப்படுத்துகிறது.

மும்பை, 17 மார்ச் 2026 – இசை சார்ந்த பொழுதுபோக்குத் துறையில் உலக முன்னணி நிறுவனமாகத் திகழும் யுனிவர்சல் மியூசிக் குரூப்பின் ஒரு பிரிவான யுனிவர்சல் மியூசிக் இந்தியா, பாடகரும் இசையமைப்பாளருமான அனிருத் ரவிச்சந்தர் சமீபத்தில் தொடங்கியுள்ள சுயாதீன இசைப் பதிவு நிறுவனமான அல்புகர்க்கு ரெக்கார்ட்ஸ் (Albuquerque Records) உடன் ஒரு பிரத்யேக கூட்டாண்மை குறித்த அறிவிப்பை இன்று வெளியிட்டுள்ளது. இந்தக் கூட்டாண்மையின் மூலம், அனிருத் ரவிச்சந்தர் மற்றும் இந்த லேபிளில் ஒப்பந்தமாகும் எதிர்கால கலைஞர்களின் பாப் மற்றும் ஹிப்-ஹாப் இசை ஆல்பங்களை யுனிவர்சல் மியூசிக் இந்தியா, அல்புகர்க்கு ரெக்கார்ட்ஸ் ஆகியவை இணைந்து வெளியிடும். இந்த நிறுவனத்தின் கீழ் முதல் இசை வெளியீடு அனிருத் பங்கேற்புடன் ஏப்ரல் தொடக்கத்தில் வெளிவரத் திட்டமிடப்பட்டுள்ளது.

இந்த உலகளாவிய கூட்டாண்மையானது, அனிருத்தின் கலைத்திறனின் செல்வாக்கை விரிவுபடுத்துவதற்காக யுனிவர்சல் மியூசிக் இந்தியா, அல்புகர்க்கு ரெக்கார்ட்ஸ் உடன் நெருக்கமாக இணைந்து செயல்படும். காலப்போக்கில், இந்த நிறுவனம் இப்பகுதியைச் சேர்ந்த வளர்ந்து வரும் பாப், ஹிப்-ஹாப் ஆகிய கலைஞர்களுக்கான தளமாக மாறும்.

கடந்த 15 ஆண்டுகளில் அனிருத்தின் சாதனைப் பட்டியல் பொறாமைப்படத் தக்கதாகவும், ஈடுஇணையற்றதாகவும் உள்ளது. 2012-ஆம் ஆண்டு 'ஒய் திஸ் கொலவெறி டி' என்ற உலகளாவிய வைரல் ஹிட் பாடலின் மூலம் இசையமைப்பாளராக அறிமுகமான அவர், இதுவரை தனது 770-க்கும் மேற்பட்ட பாடல்களின் மூலம் 13 பில்லியனுக்கும் அதிகமான ஆடியோ ஸ்ட்ரீம்களைப் பெற்றுள்ளார். இதன் மூலம் ஸ்பாட்டிஃபை தளத்தில் மொத்த ஸ்ட்ரீம்களின் அடிப்படையில் தென்னிந்தியாவின் முதன்மைக் கலைஞராக அவர் உருவெடுத்துள்ளார். அத்துடன், தமிழ்த் திரைப்பட பின்னணி இசைத்துறையில் (OST) மிகவும் விரும்பப்படும் இசையமைப்பாளர்களில் ஒருவரான இவர், ஹுக்கும், வாத்தி கமிங், அரபிக் குத்து, மோனிகா, A23 தீம், ஆஜா ராஜா, ஆயா ஷேர் உட்பட பல உலகளாவிய சார்ட்பஸ்டர் வெற்றிகளை வழங்கியுள்ளார்.

யுனிவர்சல் மியூசிக் இந்தியா, நான்கு முக்கியத் தென்னிந்திய மொழிச் சந்தைகளில் (தமிழ், மலையாளம், கன்னடம், தெலுங்கு) பரவியுள்ள செழுமையான கலைத்திறன் மற்றும் கலாச்சாரத்துடன் நெருக்கமாகப் பணியாற்றி, தென்னிந்திய பிராந்தியத்தில் ஒரு நிலையான கவனத்தைச் செலுத்தி வருகிறது. இந்தப் பிராந்தியத்தின் மிகச்சிறந்த கலைஞர்களில் ஒருவரான அனிருத் உடனான இந்த ஒப்பந்தம், இங்கிருந்து வெளியாகும் முன்னோடி இசையை உலக அரங்கிற்கு எடுத்துச் செல்ல உதவும். மேலும், தென்னிந்திய சந்தையில் மிகவும் செல்வாக்கு மிக்க பெயர்களுடன் தொடர்புடைய பாப், ஹிப்-ஹாப் ஆகிய இசை வகைகளில் யுனிவர்சல் மியூசிக் இந்தியாவின் இருப்பை இது மேலும் விரிவுபடுத்துகிறது.

இந்தக் கூட்டாண்மை குறித்து யுனிவர்சல் மியூசிக் இந்தியாவின் தலைவர் & சிஇஓ, எஸ்விபி ஸ்ட்ரேடெஜி, ஏஎம்இஏ, தேவ்ராஜ் சன்யால் அவர்கள் கூறியதாவது: ‘அனிருத் இந்திய இசையின் எதிர்காலத்தைப் பிரதிபலிக்கிறார் — துணிச்சலானவர், அசல் தன்மையுள்ளவர், மற்றும் அபாரமான ஆற்றல் கொண்டவர். மாற்றத்தை ஏற்படுத்தும் திறமையாளர்களைக் கண்டறிவதே யுனிவர்சல் மியூசிக் இந்தியாவின் மிகப்பெரிய பலம்; இந்தக் கூட்டாண்மை அந்த நம்பிக்கையைப் பிரதிபலிக்கிறது. அனிருத் தனது அடுத்த கட்ட பயணத்தைத் தொடங்கும் வேளையில், அவருக்குப் பின்னால் உறுதுணையாக நிற்பதிலும், இந்திய இசையை உலகிற்கு எடுத்துச் செல்ல உதவுவதிலும் நாங்கள் பெருமை கொள்கிறோம்.’

அனிருத் ரவிச்சந்தர் அவர்கள் இவ்வாறு தெரிவித்தார்: "அல்புகர்க்கு ரெக்கார்ட்ஸ் என்பது கலைஞர்களின் ஆதரவுடன் கூடிய, உள்நாட்டிலேயே உருவான ஒரு நிறுவனமாகும். இது சுயாதீன திறமையாளர்களை வளர்த்தெடுப்பதிலும், அவர்களின் இசையை உலக மேடைக்குக் கொண்டு செல்வதிலும் கவனம் செலுத்துகிறது. பாப் மற்றும் ஹிப்-ஹாப் இசைத்துறையில் யுனிவர்சல் மியூசிக் இந்தியாவின் தலைமைத்துவம், அவர்களை ஒரு இயல்பான கூட்டாளராக மாற்றியுள்ளது. இந்திய சுயாதீன இசையின் அடுத்த அலைக்குத் தலைமை தாங்குவதிலும், அவற்றை உலகெங்கிலும் உள்ள இரசிகர்களிடம் கொண்டு சேர்ப்பதிலும் நான் மிகுந்த உற்சாகத்துடன் இருக்கிறேன்."

யுனிவர்சல் மியூசிக் இந்தியாவின் எம்டி சனுஜீத் புஜபல் அவர்கள் இவ்வாறு கூறினார்: ‘இசைக்கு அப்பாற்பட்டும் படைப்புத்திறன் மிக்க சூழலை உருவாக்குவதில் அனிருத் நீண்டகாலமாக ஒரு தீர்மானிக்கும் சக்தியாக இருந்து வருகிறார். திரைப்படங்களுக்காக எண்ணற்ற வெற்றிப் பாடல்களை வழங்கிய அவரது சிறப்பான சாதனைகளுடன், அவரது படைப்புகளை ஆழமாக இரசிக்கும் பிரம்மாண்டமான இரசிகர் கூட்டத்தையும் அவர் கொண்டுள்ளார். அல்புகர்க்கு ரெக்கார்ட்ஸ் என்பது பாப் மற்றும் ஹிப்-ஹாப் உலகில் அனிருத்தின் துணிச்சலான கலைப்பார்வையை பிரதிபலிக்கிறது. அவரது புதுமையான முத்திரையைப் போலவே, இந்தக் கூட்டாண்மையும் மற்றொரு மைல்கல்லான படைப்புத் தளத்தை உருவாக்கும் - இம்முறை வளர்ந்து வரும் இந்திய பாப் மற்றும் அதற்கு அப்பாற்பட்ட உலகிற்காக இது அமையும்.’