MediaTalks Logo
Header Advertisement
cinema news
16 November 2026 at 11:27•149 Views

'லவ் லாக்' படத்தின் மூலம் கதையின் நாயகனாக அறிமுகமாகும் 'மொத ராத்திரி ' நடிகர் DK கார்த்திகேயன்

Janagiraman
Janagiraman
செய்தி ஆசிரியர்
'லவ் லாக்' படத்தின் மூலம் கதையின் நாயகனாக அறிமுகமாகும் 'மொத ராத்திரி ' நடிகர் DK கார்த்திகேயன்

ஸ்ரீ வெங்கடாசலபதி விசுவல் ஆன் புரொடக்ஷன் நிறுவனம் சார்பில் தயாரிப்பாளர் ஆர். சிவராமன் தயாரிப்பில் அறிமுக இயக்குநர் எட்வின் GJ இயக்கத்தில் 'மொத ராத்திரி' படத்தின் மூலம் ரசிகர்களிடத்தில் பிரபலமான நடிகர் D.K. கார்த்திகேயன் நடிப்பில் உருவாகும் 'லவ் லாக்- Love Lock'' படத்தின் தொடக்க விழா சென்னையில் சிறப்பாக நடைபெற்றது.

அறிமுக இயக்குநர் எட்வின் GJ இயக்கத்தில் தயாராகும் 'லவ் லாக் - Love Lock' படத்தில் D.K. கார்த்திகேயன், கௌசல்யா, நடிகை லாவன்யா, ராஜ் MRK ,

அன்பழகன், ரமா, உதய் மகேஷ், அஜித் கோஷி, தமிழ் செல்வி உள்ளிட்ட பலர் நடிக்கிறார்கள். ரசோமிகின் - (Razomikhln) ஒளிப்பதிவு செய்யும் இந்த திரைப்படத்திற்கு மூன்ராக்ஸ் ( MoonRoxx) இசையமைக்கிறார். படத்தொகுப்பு பணிகளை அர்ஜுன் மேற்கொள்ள கலை இயக்கத்தை எஸ் ஏ ராஜா கவனிக்கிறார். லவ் ட்ராமா ஜானரில் இந்த திரைப்படத்தை ஸ்ரீ வெங்கடாசலபதி விசுவல் ஆன் புரொடக்ஷன் நிறுவனம் சார்பில் தயாரிப்பாளர் ஆர். சிவராமன் தயாரிக்கிறார்.

படத்தின் தொடக்க விழா 15.11.2026 அன்று சென்னையில் பாரம்பரிய பூஜையுடன் நடைபெற்றது. இந்நிகழ்வில் படக்குழுவினர் கலந்து கொண்டனர்.

படத்தைப் பற்றி இயக்குநர் பேசுகையில்,

'' ஒரு பெண்ணை இரண்டு ஆண்கள் காதலிக்கிறார்கள் எனும் இயல்பான கதையாக இருந்தாலும்... அதில் பறவைகளின் மென்மையான இறகு மீது கடினமான பாறாங்கல்லை வைத்தால்... இறகுகளின் எதிர்வினை என்ன? என்பதை அனைத்து தரப்பு ரசிகர்களுக்கும் பிடிக்கும் வகையில், யதார்த்தமான தினசரி வாழ்வியலுடன் இணைத்து, உணர்வுபூர்வமாக 'லவ் லாக்' படத்தின் திரைக்கதை உருவாக்கப்பட்டிருக்கிறது. இந்த படத்தில் நடிகை கௌசல்யா முக்கிய வேடத்தில் நடிக்கிறார். அவர் இந்த கதையை கேட்டு நடிக்க சம்மதம் தெரிவித்ததை எனக்கு கிடைத்த ஆசியாக பார்க்கிறேன். இந்தப் படத்தில் லாவண்யா கதையின் நாயகியாக நடிக்கிறார் அவரும் கதையை கேட்டதும், 'நடிப்பதற்கு வாய்ப்புள்ள வேடம்' எனச் சொல்லி நடிக்க ஒப்புக்கொண்டார்.

Image
Image

இந்தப் படத்தில் நடிகர் எம் ஆர் கே ராஜ் ரஜினி ரசிகராக கலகலப்பான வேடத்தில் நடிக்கிறார். மற்றொரு ஹீரோ கார்த்திகேயன் அமைதியான கவிதை எழுதும் ஆசிரியராக வரவேண்டும் என்ற வேடத்தில் நடிக்கிறார்'' என்றார்.

நடிகை கௌசல்யா பேசுகையில்,

'' ஒரு காதல் கதையை பணிவான திரை மொழியில் இயக்குநர் சொன்னார். இந்த கதையை கேட்கும்போதே காதலைப் பற்றி கச்சிதமாக -சந்தோஷமாக - சொல்லப்பட்டிருப்பதாக உணர்ந்தேன். தயாரிப்பாளருக்கும், படக்குழுவினருக்கும் வாழ்த்துக்கள். பெற்றோர்கள் எப்போதும் 'லவ்'வை லாக் செய்து தான் வைத்திருப்பார்கள். அப்படி தான் நான் இந்த படத்தில் பெற்றுள்ள கதாபாத்திரத்தில் லவ் மீது லாக் இருக்கும்'' என்றார்.

நடிகர் கார்த்திக்கேயன் பேசுகையில்,

'' இதற்கு முன் இணைய தொடர்களிலும், 'மொத ராத்திரி' திரைப்படத்திலும் நடித்திருக்கிறேன். இந்த படத்தின் மூலம் கதையின் நாயகனாக அறிமுகமாகிறேன். ஊடகங்கள் தொடர்ந்து ஆதரவு தர வேண்டும் என கேட்டுக்கொள்கிறேன்'' என்றார்.

நடிகை லாவண்யா அன்பழகன் பேசுகையில்,

'' இது என்னுடைய முதல் திரைப்படம். அதிலும் இரண்டு நாயகர்களுடன் நடிக்கும் முதல் படம். கதையை கேட்கும் போதும்.. இப்படத்தின் டைட்டிலும்... எனக்கு மிகவும் பிடித்திருந்தது. யங்கான... சார்மிங்கான.. டீம். கௌசல்யா மேடத்துடன் நடிக்கவிருக்கிறேன் இதுவே எனக்கு உற்சாகமாக இருக்கிறது'' என்றார்.

நடிகர் ராஜ் MRK பேசுகையில்,

'' குறும்படம்- இணைய தொடர்- சினிமாவில் சின்ன சின்ன வேடத்தில் நடித்த வந்த நான்.. இப்படத்தின் மூலம் கதையின் நாயகர்களில் ஒருவராக அறிமுகமாகிறேன். அற்புதமான கதை. ரசிகர்களுக்கு பிடிக்கும். வாய்ப்பளித்த இயக்குநருக்கும், தயாரிப்பாளருக்கும் நன்றி என்றார்.

இந்நிகழ்வில் படத்தின் தயாரிப்பாளர் சிவராமன் பேசுகையில்,

'' இளமையான புதிதான இளைஞர்கள் அடங்கிய குழுவாக இந்த படக்குழு அமைந்திருக்கிறது. ஊடகங்களின் ஆதரவு தேவை'' என்றார்.

இப்படத்தின் படப்பிடிப்பு முழுவதும் சென்னையில் ஒரே கட்டமாக நடத்த திட்டமிடப்பட்டிருக்கிறது என படக்குழுவினர் தெரிவித்துள்ளனர்.

இந்த செய்தியை நண்பர்களுடன் பகிருங்கள்: