‘வீரவணக்கம்’ - விமர்சனம்

கேரளாவில் கம்யூனிஸ்ட் கட்சியை நிறுவிய முதல் செயலாளரும், புரட்சி வீரருமான பி.கிருஷ்ண பிள்ளையின் வீர வாழ்க்கை வரலாறு மற்றும் கேரளாவுக்கும், தமிழகத்துக்கும் அரசியல் ரீதியாகவும், பெண்கள் முன்னேற்றம் மற்றும் சமூக நீதி போராட்டங்கள் ரீதியாகவும் இருக்கும் ஒற்றுமையை எடுத்துரைப்பது தான் இப்படத்தின் கதை.

தமிழக கிராமம் ஒன்றின் செல்வந்தரான பரத், கம்யூசனிவாதியாக இருக்கிறார். ஊர் மக்களுக்கு பல்வேறு உதவிகளை செய்வதோடு, சாதி, ஏழை பணக்காரன் என்ற ஏற்றத்தாழ்வுகள் பார்க்காமல் அனைவருடனும் சகஜகமாக பழகுகிறார்.

அதே சமயம், அவரது பக்கத்து ஊரில் சாதி வன்கொடுமை பிரச்சனைகளில் பாதிக்கப்படும் மக்களுக்கு துணையாக நிற்பதோடு, அம்மக்களைபிரச்சனைகளை எதிர்த்து போராட வைப்பதற்காக அவர்களை கேரளாவுக்கு அழைத்துச் சென்று கம்யூனிச போராளிகளை சந்திக்க வைக்கிறார்..

இந்நிலையில் பரத் மக்களுடன் 96 வயதுள்ள பெண் கம்யூனிச போராளி பி.கே.மேதினியை சந்திக்கிறார்., புரட்சி வீரர் பி.கிருஷ்ண பிள்ளையின் வாழ்க்கை வரலாறு மற்றும் கேரளாவில் கம்யூனிய புரட்சி உருவாகி கதையை கூறுகிறார்.

1940 கால கட்டத்தில் ஜமீன்தார் சித்திக் ஊர் மக்களை அடிமைகளாக நடத்தி வருகிறார். திருமணம் ஆகும் பெண்களின் வாழ்க்கையை சீரழிக்கிறார். இதே ஊரில் வசிக்கும் பரணி ஒரு பெண்ணை காதலிக்க அந்த பெண்ணை ஜமீன்தார் கற்பழித்து விட நியாயம் கேட்டு செல்லும் பரணியை கொலை செய்து விடுகிறார்.

இதனையடுத்து அந்த ஊருக்கு வரும் கம்யூனிஸ்ட் வாதியான சமுத்திரக்கனி மக்களை சந்திக்கிறார். இந்த தகவல் ஜமீன்தாருக்கு தெரிய வர போலீஸ் மூலம் சமுத்திரக்கனி கொலை செய்ய திட்டம் போடுகிறார் ஜமீன்தார்.

முடிவில் சமுத்திரக்கனி போலீசிடம் இருந்து தப்பித்தாரா? இல்லையா? ஜமீன்தார் பிடியில் இருந்து மக்கள் மீண்டார்களா ? இல்லையா? என்பதே ‘வீரவணக்கம்’ படத்தின் மீதிக்கதை.

பி.கிருஷ்ண பிள்ளை கதாபாத்திரத்தில் நடித்திருக்கும் சமுத்திரக்கனி அந்த கதாபத்திரமாகவே மாறி நடை, உடை , வசன உச்சரிப்பு , சண்டை என அனைத்திலும் சிறப்பான பங்களிப்பை கொடுத்திருக்கிறார்.

கம்யூனிசவாதி கதாபாத்திரத்தில் நடித்திருக்கும் பரத் படத்தில் காட்சிகள் குறைவாக இருந்தாலும் அதை நிறைவாக செய்திருக்கிறார். மக்கள் குறைகளை தீர்ப்பவராகவும் மகளின் காதலை புரிந்து கொண்ட அப்பாவாக கண் முன் நிற்கிறார்.

கம்யூனிச போராளியாக நடித்திருக்கும் ரித்தேஷ், போலீஸ் இன்ஸ்பெக்டர் வேடத்தில் நடித்திருக்கும் பிரேம் குமார், ரமேஷ் பிஷரோடி, சுரபி லட்சுமி, புரட்சி பாடகி பி.கே.மேதினி, அதர்ஷ், ஆய்ஷ்விகா என படத்தில் நடித்த அனைவரும் கதைக்கு ஏற்ற தேர்வாக உள்ளனர்.

இசையமைப்பாளர்கள் எம்.கே.அர்ஜுனன், பெரும்பாவூர் ஜி.ரவீந்திரன், ஜேம்ஸ் வசந்தன், சி.ஜே.குட்டப்பன், அஞ்சல் உதயகுமார் ஆகியோரது இசையில் பாடல்கள் மற்றும் பின்னணி இசை பலம் கவியரசுவின் ஒளிப்பதிவு கூடுதல் பலம்.

கேரளாவில் கம்யூனிஸ்ட் கட்சியை நிறுவிய முதல் செயலாளரும், புரட்சி வீரருமான பி.கிருஷ்ண பிள்ளையின் வீர வாழ்க்கை மைய கருவாக வைத்து திரைப்படத்தை உருவாக்கியிருக்கிறார் இயக்குனர் அனில் வி. நாகேந்திரன்

ரேட்டிங் : 3/5